Улаанбаатар хотод хог хаягдал боловсруулах үйлдвэр барьж байгуулах хүсэлтэй байгаагаа ОХУ-ын Таррелл Эстит Лимитед компани илэрхийлжээ. Тус компани Английн технологи оруулж ирнэ гэдгээ хотын даргад танилцууллаа. Англи технологи нь ямар ч үлдэгдэлгүй хог хаягдлыг боловсруулдаг юм байна. Өөрөөр хэлбэл гэр хорооллыг дулаанаар хангах эрчим хүчийг хогноос гаргаж авна. Түүнчлэн барилгын хог хаягдлыг ч дахин боловсруулж барилгын материал гаргаж авдаг гэж тус компанийн гүйцэтгэх захирал Татьяана Серпкова хэллээ. Ирэх оны эхнээс Улаанбаатар хотын иргэдэд хогоо ангилан ялгах журам үйлчилж эхлэх юм. Энэхүү журамтай нийцэж байвал Англи технологийг дэмжихээ хотын дарга Г.Мөнхбаяр хэлсэн. Ирэх 12 сард хуралдах НИТХ-аар хот төсвөө хэлэлцэнэ. Тэр үед хоёр талдаа асуудлыг боловсруулж дуусгасан байх юм бол хурлаар оруулж шийдэх бололцоо бий аж. Б.Энхжаргал