Зам, Барилгын аж ахуйн нэгжүүдийн Хөдөлмөрийн аюулгүйн ажиллагаа, эрүүл ахуйн талаарх хуулийн хэрэгжилт сул байна.
Сургалт, судалгаа, хөрөнгө оруулалт, барилга захиалагчийн албаны Мэргэжлийн сургалт зохицуулалтын хэлтсээс “Хөдөлмөрийн аюулгүйн ажиллагаа, эрүүл ахуй” сэдэвт сургалтыг зохион байгуулж эхлээд байна. Уг сургалттай холбогдуулан тодруулга авсан юм.
ССХОБЗА-ны Мэргэжлийн сургалт зохицуулалтын хэлтсийн
Арга зүйч - мэргэжилтэн Я.Нарантуяа:
Зам, Барилгын аж ахуйн нэгжүүдийн Хөдөлмөрийн аюулгүйн ажиллагаа, эрүүл ахуйн талаарх хуулийн хэрэгжилт сул байна.
Сургалт, судалгаа, хөрөнгө оруулалт, барилга захиалагчийн албаны Мэргэжлийн сургалт зохицуулалтын хэлтсээс “Хөдөлмөрийн аюулгүйн ажиллагаа, эрүүл ахуй” сэдэвт сургалтыг зохион байгуулж эхлээд байна. Уг сургалттай холбогдуулан тодруулга авсан юм.
Ямар төрлийн сургалт зохион байгуулж байгаа юм бэ? Энэхүү сургалтанд хичнээн аж ахуйн нэгж хамрагдаж байгаа вэ?
Барилга угсралт, зам, барилгын материалын үйлдвэрлэл, машин механизм, тоног төхөөрөмжийн хөдөлмөрийн аюулгүй байдал, ажлын байрны хэвийн нөхцлийг хангуулах, эрүүл ахуйн орчин, осол, мэргэжлийн өвчлөлөөс урьдчилан сэргийлэх арга хэмжээ авах чадвар, мэдлэгтэй болгох зорилготой сургалт юм. Энэхүү сургалтанд “Уул уурхай, зам, барилгын салбарт мэргэжилтэй ажилтан бэлтгэх үйлдвэрлэл дээрх сургалтын дэд хөтөлбөр”-т хамрагдаж байгаа аж ахуйн нэгжүүд оролцож байгаагаараа онцлог юм. Аж ахуйн нэгж тус бүрээс 5 хүртэл хүнээ оролцуулах хүсэлтээ ирүүлээд байна.
Яагаад энэ сургалтыг зохион байгуулах болсон бэ?
Зам, барилгын салбарт үйл ажиллагаа явуулж буй аж ахуйн нэгжүүд “Хөдөлмөрийн аюулгүй ажиллагаа эрүүл ахуйн” холбогдох хууль тогтоомж, заавар дүрмийг хэрэгжүүлэх талаар санаачлага муутай ажиллаж байна гэдэг нь нууц биш энэ нь удаа дараагийн хяналт шалгалтын дүнгээс тодорхой байгаа юм.
Энэ салбарын ажилчид хайхрамжгүй ажиллаж холбогдох албан тушаалтан инженер техникийн ажилтнууд ч үүндээ дасчихсан байдал нь энэ төрлийн зөрчил дутагдал байнга гарч байхад хүрч байна.
Монгол Улсын Засгийн Газрын 23-р тогтоолыг хэрэгжүүлэх зорилгоор НХХ сайд, ЗТБХБ-ын сайд, ЭБЭХ-ний сайд нарын хамтарсан тушаалаар “Уул уурхай, зам, барилгын салбарт мэргэжилтэй ажилчин бэлтгэх үйлдвэрлэл дээрх сургалтын дэд хөтөлбөр”-ийг батлан гаргасан хөтөлбөрийн дагуу сургалтанд хамрагдсан аж ахуйн нэгжүүдээр хяналт, шалгалт хийж байх явцад иймэрхүү зөрчилүүд илэрч байсныг сургалтын хүрээнд засаж залруулах ажлыг хийж байлаа.
Цаашид бид энэ чиглэлээр сургалт явуулж ажилчин хүн өөрөө өөрийнхөө төлөө ажил олгогчдоос хөдөлмөрийн гэрээ байгуулахдаа ямар эрх зүйн акт үйлдэх хөдөлмөрийн аюулгүй ажиллагаа эрүүл ахуйн талаараа юуг тусгах ёстой юм ажлын байрандаа ямар хувцас хэрэглэлийг тогтмол хэрэглэж байх ёстой вэ гэдгийг мэдүүлэх зорилгоор энэхүү сургалтыг зохион байгуулж байна.
Дан ганц үйлдвэрлэл дээрх сургалтыг хэрэгжүүлэн ажиллаж байгаа аж ахуйн нэгжүүд гэлтгүй бусад компаниуд энэ сургалтанд хамрагдах боломжтой юу?
Бид энэхүү сургалтыг байнга явуулах төлөвлөгөөтэй байгаа. Манай улсад үйл ажиллагаа явуулж байгаа зам, барилгын бүх аж ахуйн нэгжүүдийг хамруулах зорилготой байгаа. Дан ганц үйлдвэрлэл дээрх сургалтанд хамрагдаж байгаа суралцагсад гэлтгүй тухайн аж ахуйн нэгжийн бусад ажилчдад энэхүү сургалтаа явуулаач ээ гэсэн хүсэлтийг компаниуд гаргаж байгаа л даа.
Зам, барилгын чиглэлийн аж ахуйн нэгжүүдийг харж байхад хөдөлмөрийн аюулгүй ажиллагаа, эрүүл ахуйн шаардлагыг хангалтгүй хэрэгжүүлдэг нь амьдрал дээр байдаг шүүдээ. Инженерүүд нь сургалтанд суугаад ажилчиддаа уламжилдаггүй, хэвшүүлдэггүй, ажилчид нь дарга нар шалгалтанд үзүүлэх гэж ингэж байна гэж үздэг түгээмэл ойлголттой болсон түүндээ дасал болсон байдаг нь нууц биш. Гэтэл ажилчид нь хөдөлмөр хамгаалал, аюулгүй ажиллагаа гэж юу байдгаа мэддэггүй, өглөө ирж зааварчилгаа авахдаа юун дээр гарын үсэг зурж байгаагаа мэддэгүй буруу зуршил байдаг. Энэ бол буруу юм. Болзошгүй аюулаас урьдчилан сэргийлж энэхүү сургалтыг бид аж ахуйн нэгжүүдтэйгээ хамтраад байнга явуулах нь ихээхэн ач холбогдолтой юм.
Ямар хугацаатай сургалт вэ? Багшлах бүрэлдэхүүн ямар байгаа вэ?
Энэ удаагийн сургалт 2 хоногийн сургалт болж байна. Цаашдаа бид улирлаас шалтгаалаад 2-14 хоногоор сургалт хийх болно. Мэргэжилтэй ажилчдад сургалт хийж байгаа нь өөрсдөө ажлын байран дээрээ болзошгүй аюулаас урьдчилан сэргийлж шаардлагатай тохиолдолд удирдлагаасаа мэргэжлийн багаж хэрэгсэл болоод аюулгүй ажиллагааны нөхцлөө шаардах мэдлэгтэй болж байгаа юм.
Багшлах хүний хувьд бид энэ салбартаа энэ чиглэлийн ажил хариуцдаг болон энэ чиглэлээр судалгаа хийсэн, хянаж шалгадаг байгууллага хүмүүстэй хамтраад зохион байгуулж байна.
Ярилцсан: Г.Хонгорзул