Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
"Америкийн Олон улсын Аврах Баг"-ийн газар хөдлөлтийн талаар өгсөн зөвлөмж
Дэлхийн хамгийн арвин туршлагатай аврах анги болох "Америкийн Олон улсын Аврах Баг"-ийн ба Онцгой байдлын газрын
дарга Doug Copp:
Энэ нийтлэлд толилуулж буй мэдээллүүд ямар нэг болзошгүй газар хөдлөлтийн үед таны амь насыг аврах үүднээс нийтлэгдсэн юм.
Тэрээр 875 нурсан, сүйрсэн барилга байгууламж уруу мөлхөн орж байсан болон, 60 гаруй орны аврах багийнхантай хамтран ажилласан, маш олон оронд аврах ангиудыг үүсгэн байгуулсан болон тэдгээрийг байгуулахад гар бие оролцож байсан ба олон орны аврах ангиудын гишүүн хүн юм. 2 жилийн турш Америкийн нэгдсэн улсын гамшгийг бууруулах мэргэшсэн ажилтнаар ажиллаж байсан. 1985 оноос хойш нэг цаг үе, ижил хугацаанд болсон гамшгаас бусад, дэлхий дээр болсон бүх том гамшиг болсон газруудад ажилласан. 1996 онд түүний туршлагадаа үндэслэн гаргасан амьд үлдэх аргын үнэн болохыг үзүүлсэн кино хүртэл хийгдсэн юм.
Энэ кинонд дотор нь 20 хиймэл загвар(хүнийг дүрсэлсэн)-ыг хийж аравыг нь нэг сургууль дотор, нөгөө аравыг нэг барилгад оруулж тэр хоёр барилгыг нурааж үзүүлсэн байна.10 загварт нь “бөхийж суун өөрийгөө хамгаалах” загварыг, нөгөө 10 загварт нь түүний санал болгож буй “амьдралын гурвалжин” аргыг хэрэглэн туршиж үзсэн байна. Зохион байгуулалттайгаар нураасан эвдрэл сүйрлийн дараа тухайн 2 барилга дахь бодит байдлыг дүрслэн харуулж буй зургийг кино хальсанд буулгах, мөн үр дүнг нь баримтжуулахын тулд нурсан барилга уруу орсон байна. Барилга байгууламжыг нураах үед үүсэж болох нөхцлүүдээс гадна шууд нүдэнд харагдаж байгаа болон шинжлэх ухааны үндэслэлтэйгээр амьд үлдэх арга барилыг хэрэглэсэн “бөхийн эвхрэн суун өөрийгөө хамгаалж нуугдаж байгаа” хүмүүсийн хувьд амьд үлдэх боломж нь 0% болохыг харуулсан юм. Харин түүний санал болгож буй “амьдралын гурвалжин” гэгдэх аргыг хэрэглэсэн хүмүүсийн хувьд амьд үлдэх боломж бараг л 100% болох нь харагдсан байна. Энэ киног Турк болон Европын орнуудын сая сая үзэгчдэд толилуулсан байна. Мөн энэ киног АНУ, Канад болон Өмнөд Солонгос мөн Америк-т RealTVN нэвтрүүлэгт мөн үзэгчдийн хүртээл болгосон байна.Түүний нурж сүйдсэн барилга байгууламж уруу орсон анхны барилга нь 1985 оны Мексико хотын газар хөдлөлт дэх нэгэн сургуулийн барилга байсан байна.Бүх хүүхдүүд ширээн доогуураа нуугдан орсон байсан ба хүүхэд бүр бараг л ясныхаа зузаантай адил хэмжээнд дарагдсан, няцарсан байсан байна. Ширээ, салаануудынхаа хоорондох коридорын дагуу хэвтэцгээсэн бол амьд үлдэж болох байсан байна. Энэ нь “ичгүүртэй, гэж болохоор зүйл байсан” гэж тэрээр тодорхойлж байгаа ба хүүхдүүдийн яагаад коридоруудад (ширээнүүдийн хоорондох хөндийд) байгаагүйг тэр их гайхсан байна. Тэр үед тэрээр, хүүхдүүдэд ямар нэг зүйлийн /эд хогшлын доогуур нуугдахыг зөвлөсөн болохыг мэдээгүй байсан байна.Энгийн үгээр хэлбэл, барилга байгууламж нурах үедээ, ямар нэг биетийн дээрээс унаж буй хучилтын хавтангууд эсвэл тухайн барилга байгууламж дотор байрлаж буй эд хогшлууд нь энэ биетийг мөргөхдөө хажуу талуудад нь ямар нэг газар, хөндий хэсэг үлдээдэг байна. Энэ хөндий хэсгүүд бол түүний хэлж буй “амьдралын гурвалжин” гэгдэх талбай юм. Тухайн биет нь хэр зэрэг том хэмжээтэй байх болон хэр зэрэг бат бэх байх тусмаа арай бага эвдэрч гэмтэх ба няцрах, дарагдахгүй байх боломжийг бүрдүүлдэг байна. Мөн тухайн биет хэр зэрэг бага эвдэрч няцрана түүний “амьдралын гурвалжин” гэгдэх хөндий ба тэр хөндий хэсэг, газрыг хэрэглэж буй хүний бэртэж гэмтэхгүй байх магадлал төдий чинээ нэмэгддэг байна. Үүний дараа та бүхэн телевизээр нурсан барилга байгууламжийн тухай ямар нэгэн нэвтрүүлгийг үзэж байхдаа анхааралтай ажиглаж харсан гурвалжингуудынхаа тоог тоолоорой.Бүх газар гурвалжин хэлбэр бүхий хөндий хэсэг байгааг та харах болно. Нурсан барилга байгууламжуудаас харж болох хамгийн түгээмэл хэлбэр, дүрс байдал бол гурвалжин дүрс юм.
Тэрээр мөн газар хөдлөлтийн үед амьд үлдэх, гэр бүлдээ анхаарах ба бусдыг аврах талаар 750 мянган хүн ам бүхий Trujillo хотын Гал унтраах ангид сургалт явуулсан байна.Trujillo хотын Гал унтраах ангийн аврах багийн дарга нь Их сургуульд профессор хүн байсан ба бүх газар надтай хамт байж намайг дагаж явж байсан юм.Тэр хүний хэлсэн үгүүд:
Миний нэр Roberto Rosales.Би Trujillo Аврах багын дарга.11 настайдаа нурсан нэгэн барилгын нуранган дор гарч чадахгүй байдалд байсан.Энэ бол 1972 онд 70.000 хүн нас барсан газар хөдлөлт байсан юм.Эрэгтэй дүүгийнхээ мотоциклийн хажууд бий болсон амьдралын гурвалжин-гийн дор би амьд үлдсэн юм.Ор болон ширээн доогуур орж нуугдан өөрийгөө хамгаалах гэж оролдсон найзууд маань бүгд няц даруулан амь насаа алдацгаасан байсан.(нэр, хаяг гэх мэт мэдээллүүдийг нэг бүрчлэн хэлж байсан.)
Би бол “амьдралын гурвалжин”-гийн амьд нэгэн жишээ юм. Харин амь насаа алдсан найз нөхөд минь “бөхийж суун өөрийгөө хамгаалах” аргын жишээ байсан гэж хэлж болох юм.
Doug Copp-ын санал болгож буй зөвлөмжүүд
1. Барилга байгууламж нурах үед энгийн “бөхийн сууж , нуугдаж буй” хүмүүс ямар ч өөр боломжгүйгээр байнга няц дарагдан амь насаа алдацгаадаг байна. Ширээ, авто машин гэх мэт биетүүдийн доогуур орсон хүмүүс мөн адил няц дарагддаг.
2. Муур, нохой ба нялх хүүхдүүд бүгд байгалийн зохилдлогоороо өвдөгөө эхийн гэдсэнд байх үеийнх шигээ гэдэс рүүгээ татах байдалтай эвхэрдэг. Газар хөдлөлтийн үед та бүхэн ч мөн адил энэ байдлаар эвхрэх хэрэгтэй.Энэ бол төрөлхийн хүний өөрийгөө хамгаалах ба амьд үлдэх нэгэн дотоод мөн чанар юм. Ямар нэгэн жижигхэн хөндий хэсэг, газарт та бүхэн амьд үлдэж болох юм. Хөнгөн байдлаар дарагдах ба бага зэрэг няцарсан ч хажуудаа хөндий хэсэг, газар үүсгэж чадах буйдан, том хэмжээтэй эд хогшлын хажууд зогс.
3. Модон хийцтэй барилгууд газар хөдлөлтийн үе дэх хамгийн аюулгүй барилга байгууламж юм. Шалтгаан нь бол энгийн; модон хийцлэлүүд уян хатан байдаг ба газар хөдлөлийн хүчний үйлчлэл болон түүнд зохицон хөдөлж чаддаг байна. Хэрвээ модон хийцтэй байшин барилга нурвал өргөн том хэмжээтэй, амьд үлдэх боломж бүхий хөндий хэсэг болон газруудыг бий болгож чаддаг байна. Мөн түүнчлэн модон хийцтэй барилгуудын нуралтын нягтрал ба хэмжээ нь арай бага байдаг байна. Тоосгон хийцтэй барилгуудын хувьд нурах үедээ тоосгонууд нь тус тусдаа болон хэсэг, хэсэг болон салцгаадаг байна. Эдгээр тоосгонууд нь нилээдгүй шархдах ба бэртэх шалтгаан болох боловч блокнуудыг(бетон) бодвол хүний биед арай бага дарагдах, няцрах байдлыг бий болгодог байна.
4. Хэрвээ шөнө дунд таныг орондоо унтаж байх үед газар хөдлөлт болвол энгийн байдлаар эргэлдэн орноосоо унах хэрэгтэй. Орны тань эргэн тойронд аюулгүй хөндий бий болдог байна. Зочид буудал мэтийн газрууд үйлчлүүлэгчиддээ газар хөдлөлтийн үед, орныхоо хажууд газар хэвтэхийг зөвлөсөн ямар нэгэн анхааруулгыг өрөө бүрийн хаалганы ард талд өлгөвөл газар хөдлөлтөнд маш их хүн амьд үлдэх боломжийг хангаж өгч чадах юм.
5. Телевиз үзэж байхад тань газар хөдлөлт болвол, амархан байдлаар, цонх эсвэл хаалгаар гадагшаа гарах, зугтаах боломжгүй байгаа бол, буйдан ор болон том хэмжээний буйдан сандлуудын хажууд газар эвхрэн суух болон хэвтэх хэрэгтэй.
6. Барилга байгууламж нурах үед хаалганы ялуу, дам нуруун дор зогссон ямар ч хүн амь насаа алддаг байна. Яаж вэ? гэвэл: хэрвээ хаалганы ялуу, дам нуруун дор орж зогсвол хаалганы ялуу, дам нуруу урагш, нэг бол хойш унан, тэр дор буй хүн нурж ирж байгаа хучилтын хавтан дор дарагддаг ба няцардаг байна. Хэрвээ хаалганы ялуу, дам нуруу хажуу тийшээ нурвал та хоёр хэсэг хуваагдах болно. Аль ч нөхцөлд та амь насаа алдана.
7. Ямар ч үед шатнууд уруу явах ба зүглэхгүй байх хэрэгтэй. Шатнууд (үндсэн барилга байгууламжаас) ялгаатай өөр давтамжтай байдаг байна: газар хөдлөлтийн үйлчлэлийн нөлөөгөөр үндсэн барилга байгууламжаас хараат бус/тусдаа хөдөлдөг байна. Шатнуудыг эвдрэх хүртэл, шат ба барилгын үлдсэн хэсгүүд байнга нэг нэгтэйгээ мөргөлдөж байдаг байна. Шатны хэсэг болон шатан дээр байгаа хүмүүс шатны гишгүүрээс болж бэртэж гэмтэх ба шархддаг байна. Мөн түүнчлэн маш аймшигтай байдлаар гэмтдэг байна. Газар хөдлөлтийн дараагаар барилга байгууламж нураагүй үлдсэн байсан ч шат болон шатны хэсгээс хол зогсох хэрэгтэй. Шат бол газар хөдлөлтийн дараа ч барилгын эвдрэл, сүйрэл үүсэж болох магадлал хамгийн өндөр хэсэг юм. Газар хөдлөлтөнд нурж сүйрээгүй ч гэсэн, газар хөдлөлтийн дараа, шат нь хашгиралдан зугтаах гэж оролдож буй хүмүүсийн даац, ачааллын хэтрэлтээс болж нурж болдог байна. Шат, барилгын бусад хэсэгт эвдрэл гэмтэл болоогүй байсан ч газар хөдлөлтийн дараа аюулгүй байдлын талаас байнга шалгаж үзэх ёстой хэсэг байдаг байна.
8. Барилгын гадна хануудад ойрхон газар зогсох, боломжтой бол гадагшаа гарах хэрэгтэй. Барилгын дотор хэсгүүдийн оронд гадна хэсгүүдэд ойрхон газруудад байх нь илүү давуу талтай юм. Барилгын гадна үндсэн хийц, каркаснаас хэр зэрэг дотогш байх тусам гарах, зугтах замын тань хаагдах, саадтай болох магадлал тэр хэмжээгээр нэмэгдэх юм.
9. Яг иймэрхүү маягаар Nimitz авто зам дахь давхруудын хоорондох(нурсан, сүйрсэн) блокуудын бий болгосон шиг, газар хөдлөлтийн үед дээд талын авто замын нуралтаас болж няцарч, дарагдаж буй авто машинуудын дотор байгаа хүмүүс дарагддаг байна. San Francisco-ийн газар хөдлөлтөнд золиос болсон хүмүүсийн бүгд авто машиныхаа дотор байж байсан ба бүгд амь насаа алдсан байна. Авто машинаасаа гарцгаан авто машиныхаа хажууд хэвтэх нэг бол суух маягаар амархан байдлаар амьд мэнд үлдэх боломж байсан байна. Мөн амь насаа алдсан бүх хүмүүс, авто машинаасаа гаран, эргэн тойронд байх моднуудын хажууд суух болон хэвтэж чадацгаасан бол өнөөдөр амьд мэнд байж болох байсан. Дарагдаж няцарсан бүх авто машины хажууд-баганууд шууд дээрээс нь унасан авто машинуудыг эс тооцвол-3 feet орчим өндөртэй хөндий хэсэг, газрууд бий болсон байсан байна.
10. Нурангын байдалтай эвдэрч сүйрсэн хэвлэлийн газар байрлаж байсан конторын барилга мөн их хэмжээний цаас бүхий албан газрын барилгуудаар явж үзэхэд цааснуудын шахалтанд /няцралтанд ороогүй байхыг олж илрүүлсэн байна. Их хэмжээний цаас овоолсон /байрласан хэсгийн эргэн тойронд мөн өргөн хэмжээтэй хөндий хэсэг болон газрууд олддог/ үүсдэг байна.
Газар хөдлөлт болдгоороо болно. харин түүнд заавал өртөх албагүй, бид хэдий чинээ түүний эсрэг бэлтгэлтэй байж урьдчилан сэргийлэх арга хэмжээг хэдий чинээ чанартай, цэгцтэй, бодлого зохион байгуулалттай авч чадна тэр аюулыг төдий чинээ бага гарз хохиролтойгоор даван туулах боломж байна.
Газар хөдлөлт бол аюул, гамшиг биш юм, тэр байгалийн үзэгдлийг аюул, гамшиг болгож буй зүйл нь БНбД, стандартын дагуу баригдаагүй барилга байгууламжууд юм. Аюул, гамшиг болохоос өмнө түүний эсрэг хамгаалах, урьдчилан сэргийлэх арга хэмжээнүүдийг авах хэрэгтэй, харин аюул, гамшиг тохиолдсоны дараа чанга дугаран сүржигнэх нь ямар ч ашиг, ач холбогдолгүй юм.