Нийслэлийн авто замын хөдөлгөөний гол ачааллыг нуруун дээрээ үүрдэг Гурвалжингийн гүүрний засварын ажил дуусч байна. Тус гүүрэнд шинэчлэлт хийж, замыг нь засах гүйцэтгэгч олдохгүй өнгөрсөн жил цуцлагдаж байсан бол харин энэ жил ажил хэрэг болж иргэдийн талархалыг хүлээхэд бэлэн боллоо. Гурвалжингийн гүүрний засвар үйлчилгээг хариуцсан компаниуд ажлаа улсын комисст шалгуулжээ.
Ингэснээр өнөөдөр буюу энэ сарын 30 ны өдрийн 16.00 цагт хотын удирдлагууд хүлээн авч зорчих хэсгийг нээх гэж байна. Уг нь хотын дарга Г. Мөнхбаяр 8 дугаар сарын 25 гэхэд бүх ажил жин тан дууссан байх ёстой гэсэн үүрэг буулгасан ч гүүрийн даац, бэхжүүлэлтийн ажлыг хангах үүднээс гүйцэтгэгч байгуулагууд эцсийн хугацаа 8 дугаар сарын 30 гэсэн амлалт өгсөн байна. Гурвалжингийн гүүр нээгдснээр хотын замын түгжрэл эрс багасахын зэрэгцээ толийсон замаар иргэд зорчих юм.