Ж.Самбуугийн гудамж буюу “Зоос гоёл” компанийн хажуугийн уулзвараас Гэсэр сүмийн уулзвар хүртэлх гудамжны авто замын өргөтгөл шинэчлэлийн ажилтай холбогдуулан гэрэлтүүлгийн шонгуудыг буулгах ажлыг эхлэхээр боллоо. Нийслэлийн Засаг даргын орлогч Б.Мөнхбаатар тус замын ажилтай танилцахдаа ажилд саад болсон кабелийн шугамуудыг хэрхэх талаар холбогдох албаныхантай уулзах шийдвэр гаргаж хуралдсан. Энэ ажлыг хүрээнд тухайн хэсгийн гэрэлтүүлгийн шонгуудыг ашиглаж агаараар явсан кабель шугамуудыг энэ сарын 21-ны дотор буулгаж авахыг Нийслэлийн Захирагчийн ажлын алба, Авто замын газраас эзэмшигч, хариуцагч байгууллагуудад анхаарууллаа.
Тухайн заасан хугацаанаас хойш гэрэлтүүлгийн шон буулгах явцад буулгаж аваагүй кабелиуд гэмтсэн, тасарсан хариуцлагыг хүлээхгүй гэдгээ мэдэгдлээ.
Мөн Улаанбаатар хотод кабелийн нэгдсэн тунель байгуулах нь зүйтэй. Ер нь ил, ажилд саад учруулсан иймэрхүү эзэнгүй кабелууд байх, тунелиэр дамждаг болгох эхлэл тавих ёстой юм байна хэмээн хотын удирдлагууд үзэж байна. Ингэснээр гэрэлтүүлгийн шон дээр ямар нэг кабель татахыг хориглох агаад гэрлийн шонгуудыг чөлөөлөх арга хэмжээ авах юм байна.