Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
Ц.Болдсайхан: Төв цэнгэлдэх хүрээлэнг 145 сая төгрөгөөр засварлана
Нийслэлийн Тамгын газрын дарга Ц.Болдсайхан үндэсний баяр наадмыг зохион байгуулах хорооны нарийн бичгийн даргаар ажиллаж байгаа билээ. Түүнтэй уулзаж баяр наадмын бэлтгэл ажлын явц хэр байгааг тодрууллаа.
-Наадмын бэлтгэл ажлын явц хэр байна вэ?
-Үндэсний баяр наадмыг зохион байгуулах хороо баяр наадмын асуудлаар удаа дараа хуралдаж, чиглэлээ тогтоон, төлөвлөгөөгөө батлаад, түүнийхээ дагуу ажлаа эхлээд явж байна. Нийт есөн салбар байгуулж хийх ажлаа хуваарилсан. Үндэсний баяр наадмын хорооноос барьж байгаа чиглэл бол ирэх жил Ардын хувьсгалын 90 жил, Их Монгол Улс байгуулагдсаны 805 жил, Үндэсний эрх чөлөөний 100 жил гэхчлэн нэлээд хэдэн тэгш ойн жил болохтой холбогдуулан энэ жил тэгш ойн жилүүдийн бэлтгэл болгох байдлаар ажиллаж байна. Наадмын хөтөлбөр хараахан эцэслэн гараагүй ч урьдчилсан байдлаар гарчихсан. Үндсэндээ наадам долдугаар сарын есний өдрөөс эхэлнэ.
-Наадмын төсөвт хэдэн төгрөг баталсан юм бэ?
-632 сая төгрөг. Үүний 120 саяыг нь Засгийн газрын нөөц хөрөнгөнөөс 198 саяыг нь Нийслэлийн төсвөөс, үлдсэн хувийг нь наадмын орлогоос олох ёстой. Засгийн газар жилээс жилд наадмын төсвийг бүрдүүлэхдээ наадмын орлогыг нэмэгдүүл гэсэн шаардлага тавьдаг. Энэ жилийн хувьд 310 гаруй сая төгрөг олж, наадмыг зохион байгуулах арга хэмжээнд зарцуулах учиртай.
-Наадмын орлого гэхээр яг юунаас төсөв бүрдүүлнэ гэсэн үг вэ? Жаахан тодруулахгүй юу?
-Наадмын орлого гэхээр билет, авто машин болон худалдаа үйлчилгээний зөвшөөрлөөс олох орлого гэсэн үг л дээ.
-Түүнээс гадна Төв цэнгэлдэх хүрээлэнг засварлаж байгаа гэсэн. Засварын ажил хэдэн хувьтай байгаа юм бол?
-Хөрөнгө оруулалтын газрынхантай ярилцаад засварын ажлаа эхэлсэн. Дээр хэлсэн 632 сая төгрөгөөс 145 сая орчим нь зарцуулагдана. Их засвараас гадна урсгал засвар ч хийгдэж байгаа. Бүх салбар хороод төсвөө авчихсан төлөвлөгөөний дагуу ажил ид өрнөж байна. Мөн энэ жил Засгийн газраас нэг зүйл дээр онцгой анхаарсаныг хэлэх нь зүйтэй байх. Тодруулбал Сангийн яам Хүй долоон худгийн морь барианы газар хүрэх 3,6 км замын хөрөнгийг шийдсэний үндсэн дээр дөрвөн компани гүйцэтгэгчээр ажиллаж байгаа. Замын ажил 60 хувьтай байна. Долдугаар сарын таванд ашиглалтад өгөх ёстой юм. Өнгөрсөн жил Засгийн газар хөрөнгө шийдсэний үндсэн дээр 3,2км зам, зогсоолыг ашиглалтад оруулсныг та бүхэн санаж буй байх. Энэ жил морь барианы газар автомашины зогсоолтой болж байгаа гэх утгаараа наадамчид маань шороо босч, дарагдах зовлонгүйгээр морь үзэх боломжтой болж байгаа юм.
Улаанбаатар Таймс