Халаалтын систем

Олон жилийн ажиглалтаар өрхийн жилийн орлогын 30 орчим хувь нь дулааны хэрэглээг хангахад зориулагддаг нь нотлогдсон. Монгол орны эрс тэс уур амьсгал, гэрийн зуухны хийц боловсронгуй бус байдал, сууцны барилга дулаалга муутай байгаа нь ийм өндөр зардал гаргахад хүргэж байгаа юм.
110 айлын зуухыг онцлог байдлаар нь ангилж үзэхэд 18 төрөл болж байгаа бөгөөд ханан пийшинтэй ердийн зуух 40%; усан халаалтын системтэй зуух 9%; ердийн зуух 10%; ханан пийшин, усан халаалтын хосолмол системтэй зуух 11%-ийг тус тус эзэлж байна.
Тэдгээр нь техникийн үзүүлэлтээр сайн биш, түлшийг дутуу шатаадаг, хүрээлэн буй орчныг бохирдуулдаг зэрэг  олон дутагдалтай.

а.    Ердийн зуух
Энгийн металл гадаргуутай ердийн зуухтай сууц ба гэр нь богино хугацаанд халж, хөрдөг. Утааны хийтэй ихээхэн дулаан алдагдана. Зарим тохиолдолд зуухны доторлогоог тоосгоор хийдэг. Гэрт гол төлөв хэрэглэнэ.
Ийм төрлийн зуухыг монгол гэрт голчлон хэрэглэх бөгөөд харьцангуй жижиг 30-40 м2 талбайтай сууцуудад хэрэглэгдэж байна.


б. Ханан пийшинтэй зуух
Энэ төрлийн зуухыг манай орны нөхцөлд төв суурин газарт өргөн ашиглаж байна. Утааны хийн дулааныг хуримтлуулах, халаах гадаргууг нэмэгдүүлэх зорилгоор утааны хий нэвтрэх замд ханан пийшин суурилуулдаг. Сууц аажим халж хөрнө. Ийм учраас дотор агаарын температур харыдангуй бага хэлбэлзэнэ. Энэ терлийн зуухтай сууцны эзэлхүүн, хэмжээ дунд зэргийн, дунджаар 94м3 эзэлхүүнтэй байгааг судалгаагаар тогтоов.. Ханан пийшинтэй зуухыг дунджаар 40...50м2 талбайтай нэг давхар сууцыг халаахад гол төлөв ашиглаж байна.



в. Ханан пийшин ба халаалтын системтэй зуух
Олон өрөө тасалгаатай, талбай ихтэй сууцыг дулаацуулах, халуун ус бэлтгэхэд зориулж зуухыг ханан пийшин, усны ердийн эргэлттэй халаалтын системтэй хослуулан хэрэглэж байна.
Ийм халаалттай сууцуудын талбай дунджаар 70...80м2 байна. Дутагдалтай тал нь 2...3 хоног эзэнгүй бол усан систем хөлдөх аюултай.


г. Халаалтын усны  албадмал эргэлттэй
(насостай) зуух
1-2 давхар, олон өрөө тасалгаатай сууцийг дулаацуулах, халуун ус бэлтгэх үйл ажиллагааг эрчимжүүлэх зориулалтаар усны албадмал эргэлттэй халаалтын зуухыг ашиглаж байна.
энэ төрлийн зуухыг (халаалтын систем) сүүлийн үед баригдсан харьцангуй өртөг өндөр, талбай том сууцуудад ашиглаж байна. Тухайлбал: сууцуудын талбай 84.5...128 м2 хооронд байна.
Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.