zahialga-2

Барилгын салбарын удирдах ажилтны зөвлөгөөн үргэлжилж байна

Нэмсэн: 2010-03-26 Үзсэн тоо: 2580

Барилгын салбарын удирдах ажилтны зөвлөгөөн үргэлжилж байна

Барилгын салбарын удирдах ажилтны 2010 оны зөвлөгөөн Монголын үйлдвэрчний эвлэлийн соёлын төвд үргэлжилж байна. Уг зөвлөгөөнийг нээж Ерөнхий сайд С.Батболд, Нийслэлийн Засаг дарга бөгөөд Улаанбаатар хотын захирагч Г.Мөнхбаяр нар үг хэлсэн юм. Мөн Мэргэжлийн хяналтын ерөнхий газрын дэд дарга Г.Гүньбазар “Барилгын үйлдвэрлэлд дотоодын хяналт шалгалтыг сайжруулах шаардлага”, Монголын барилгын материал үйлдвэрлэгчдийн холбооны ерөнхийлөгч М.Түмэннасан “100000 орон сууц төслийг хэрэгжүүлэхэд, барилгын материалын үндэсний үйлдвэрүүдийн гүйцэтгэх үүрэг” илтгэл тавьсан юм.
 
Тэрбээр орон сууцны барилгад хэрэглэх үндсэн нэр төрлийн материалиудыг аль болох үндэсний үйлдвэрлэлээс түлхүү хангах, тэдгээрийн зах зээлийг импортын чанар муутай материалаас хамгаалах асуудлыг бодлогын хэмжээнд авч үзэх нь зүйтэй юм гэж үзжээ. Гадаад худалдааны гаалийн статистик мэдээллээс үзэхэд өнгөрсөн онд манай барилгачид, барилгын материал импортлогчид 306,0 мянган тонн цемент, 55,0 мянган тонн шохой, 78,0 мянган тонн арматур, 2,0 мянган тонн эмульс, 1539 км хуванцар хоолой, 24,0 мянган тонн засал чимэглэлийн хуурай замаска зэрэг материалыг импортлон 83,0 сая ам.долларын валютыг урд хөрш рүү урсгасан байна” гэсэн тооцоог гаргажээ. Дотооддоо үйлдвэрлэж байгаа боловч хүрэлцэхгүй байгаа барилгын гол нэр төрлийн материал болох цемент, арматурын үйлдвэрлэлийг нэмэгдүүлэх асуудлыг одоогоос шийдвэрлэж чадвал үндэсний үйлдвэрлэлийн шинэ хүч чадал 2,0 сая хүртэл тонн цемент, 200 мянган тонн арматур тус тус нэмэгдэн дотоодын хэрэгцээг бүрэн хангах боломж 2012 оноос нээгдэнэ. Энэ бол хойшлуулшгүй тавих зорилт хэрэгжүүлэх шаардлагатай ажил юм.
 
Түүнчлэн барилга байгууламжийн гүйцэтгэгчийг сонгон шалгаруулах тендерийн баримт бичиг боловсруулах, үнэлгээ хийхдээ үндэсний барилгын материалын үйлдвэрийн бүтээгдэхүүнийг ашиглах давуу эрх олгож байхаар тусган 2010 оноос эхлэн мөрдүүлж ажиллах асуудлыг Сангийн яам, Төсвийн ерөнхийлөн зарцуулагч нарын хэмжээнд шийддэг журамд шилжих шаардлагатай байгаа аж.
 
Харин Барилгын зураг төсөл зохиогчдын  холбооны гүйцэтгэх захирал Н.Цогтоо “Барилгын зураг төслийн ажлын эрхзүйн орчинг сайжруулах шаардлага” илтгэлдээ “Засгийн газрын “100 айлын орон сууц, ”Оюутолгой”, “Тавантолгой”, Сайншандын үйлдвэрийн парк зэрэг Монгол Улсын маань хөгжлийн түлхүүр болсон томоохон бүтээн байгуулалтын үйлсэд ур чадвар, оюун ухаанаараа зохих хувь нэмрээ оруулах хариуцлагатай үүрэг зоррилт төсөл зохиогчид бидэнд ноогдож байгааг онцолсон юм. Сүүлийн үед барилгын чанар тааруу, зураг төслийн байгууллагын үйлчилгээ хангалттай сайн биш гэсэн ойлголт байдаг. Тиймээс энэ ойлголтыг засч залруулахын тулд барилгын ажлын явцад зохиогчийн хяналт хийх дүрмийг олон улсын жишигт нийцүүлэн шинэчлэн гаргаж, барилгын ажлын явцад тавих зохиогчийн хяналтыг зохих ёсоор нь хийлгэх шаардлагатай байгааг тэмдэглэсэн юм.   Барилгачдын үйлдвэрчний эвлэлийн дарга Д.Гомбо “Барилгын салбарт ажиллагсдын нийгмийн асуудлыг шийдэх нь” зэрэг сэвдээр илтгэл тавьсан нь олны сонирхлыг татсан юм. 
 
Түүнчлэн Зам тээвэр, барилга хот байгуулалтын сайд Х.Баттулга зарим аж ахуй нэгж байгууллага хүмүүст шагнал гардуулсан. Х.Баттулга сайд “Барилгын салбарын бодлого, тулгамдаж буй асуудал, шийдвэрлэх арга зам” сэдвээр итгэл тавьсан. Тэрбээр 100000 айлын хөтөлбөр энэ хавраас хэрэгжүүлэх шатандаа орно гэдгийг сэтгүүлчдэд дуулгав. Мөн нийслэл хот маань газар хөдлөлтийн идэвхтэй бүсд байдаг. Тиймээс бид урьдчилсан арга хэмжээ авах ёстой. Энэ тал дээр Засгийн газар анхаарч байгаа. Газар хөдлөлтийн тал дээр ямар ч хамгаалалтгүй баригдсан 40, 50 мянгатын орон сууцны хороололууд буюу 1975 оноос өмнөх барилгуудыг шинээр орон сууцжуулах төлөвлөгөөтэй байгаагаа мэдэгдсэн. Дашрамд сонирхуулахад, дээрх зөвлөгөөнд 400 гаруй зочид төлөөлөгч оролцож байгаа юм.

Мэдээг оруулсан: Барилга.MN
Эх сурвалж:

Энэ мэдээ танд таалагдаж байвал LIKE хийгээрэй. Танд баярлалаа.

Манай сайт танд таалагдаж байвал LIKE хийгээрэй. Танд баярлалаа




Холбоотой мэдээ


Барилгын норматив баримт бичгүүдийг евро стандартад нийцүүлнэ Барилгын норматив баримт бичгүүдийг евро стандартад нийцүүлнэ
Барилга хот байгуулалтын яамнаас санаачлан одоо хэрэглэгдэж буй барилгын салбарын норматив баримт... 13 өдрийн өмнө
Барилгын төслүүдтэй танилцлаа Барилгын төслүүдтэй танилцлаа
Засгийн газраас улс эх орондоо ашигтай, шинэ техник технологи нэвтрүүлж буй үйлдвэр, аж ахуйн нэгж... 1 сарын өмнө
Япон улсын туршлага судаллаа Япон улсын туршлага судаллаа
Барилга, хот байгуулалтын яамны Барилга, барилгын материалын бодлогын хэрэгжилтийг зохицуулах газры... 2014-03-19 10:46
Ц.Баярсайхан: Зээлийн хүүг бууруулна Ц.Баярсайхан: Зээлийн хүүг бууруулна
Барилга хот байгуулалтын сайд Ц.Баярсайхантай цаг үеийн асуудлаар ярилцлаа. -Өнгөрсөн онд барил... 2014-02-11 10:57

Дээшээ буцах