Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
Барилгын инженерийн ангид цэргүүд цалинтай алба хаана
УИХ-ын чуулганы хуралдаанаар дөрвөн хуулийн төсөл хэлэлцэх байсан ч Ардчилсан Үндсэн хуулийн ойн өдөр тохиосон тул хоёр асуудлыг л хэлэлцэж шийджээ. Эхнийх нь Зэвсэгт хүчний тухай хуульд нэмэлт, өөрчлөлт оруулах байв.
Ерээд оноос өмнө барилгын цэргийн ангиуд улс орны бүтээн байгуулалтад хувь нэмрээ оруулж нийт барилга байгууламжийн 70-80 хувийг бүтээсэн гэдэг. Энэ тогтолцоог одоо дахин сэргээхээр уг хуулийн төслийг санаачилжээ. Хэлэлцсэн асуудалтай холбогдуулан Батлан хамгаалахын сайд Л.Болд “Цэргийн алба хааж буй залууст давхар мэргэжил олгох талаар төрөөс анхаарч байгаа. 017 дугаар ангид алба хаасан 100 гаруй цэрэг барилгын нарийн мэргэжил эзэмшиж гарсан. Барилгын инженерийн ангиудад алба хаасан цэрэг цалинтай ажиллах юм. Ингэснээр цаашид гэрээт цэргийн алба хаах сонирхолтой хүмүүс ч нэмэгдэнэ гэж үзэж байгаа. Барилгын инженерийн анги байгуулахад өнөөдрийн байдлаар дөрвөн тэрбум төгрөг шаардлагатай. Үүнээс төсөвт 2.1 тэрбум төгрөг тусгасан. Гэхдээ дахин шаардлагатай хоёр тэрбум төгрөгийг гадаадын зарим оронтой хамтарч техник, тоног төхөөрөмжийн тусламж авах байдлаар шийдвэрлэхийг зорьж байгаа” хэмээн тайлбарлав.
Түүнчлэн барилгын инженерийн ангиудыг Зэвсэгт хүчний жанжин штаб цэргийн мэргэжлийн удирдлагаар хангах бөгөөд тус ангийн өдөр тутмын үйл ажиллагаа нь холбогдох хууль тогтоомж, тэдгээрт нийцүүлэн гаргасан цэргийн дүрэм, зааврын хүрээнд зохицуулагдах аж. Мөн барилгын инженерийн ангиудыг байгуулснаар орон нутгийн хамгаалалт дээшилж, стратегийн ач холбогдол бүхий орд газрын аюулгүй байдлыг бэхжүүлэх, тэдгээрт алба хаах залуучуудад иргэний мэргэжил эзэмшүүлэх зэрэг олон талын ач холбогдолтой байх аж. Одоогоор Сонгинохайрхан дүүрэг болон Дархан-Уул аймагт барилгын цэргийн анги ажиллахад бэлэн байгаа гэнэ. Харин энэ оны төсөвт гурван анги нэмж байгуулахаар хөрөнгө мөнгийг нь тусгажээ. Уг хуулийн төслийг хуралдаанд оролцсон гишүүд 100 хувийн саналаар хэлэлцэх нь зүйтэй гэж үзлээ.
Чуулганаар дараа нь Концессийн тухай хуулийн төслийг хэлэлцэх эсэхийг нь ярилцлаа. Энэ төслийг өмнө нь Засгийн газраас санаачлан оруулж ирж байсан ч нэмж тодруулах зүйл нэлээд байсан учир УИХ-ын нэр бүхий иргэд дахин шинээр боловсруулж, нэгтгэхээр болжээ. Ц.Мөнх-Оргил нарын гишүүд уг хуулийн төсөлд ажилласан бөгөөд дэд бүтцийн болон нийгмийн суурь үйлчилгээнд хувийн хэвшлийн хөрөнгө оруулалтыг татахад хуулийн гол агуулга чиглэж буй аж. Жишээ нь, зам, дулааны станц, сургууль, цэцэрлэг гээд бүгдийг төсвийн хөрөнгөөр хийгээд байх биш хувийн хэвшлийн хөрөнгө оруулалтыг татан оролцуулж, гэрээний тодорхой нөхцлөөр буцаан төлөх хэлбэрийг хуульчлахыг зорьжээ. Хэдийгээр одоо дараа төлөгдөх нөхцлөөр хувийн хэвшил ажил гүйцэтгэж байгаа ч илүү боловсронгуй болгохын тулд эрхзүйн орчинг сайжруулж, концесс эзэмшигч болоод төрийн байгууллага ямар үүрэгтэй байх, гэрээнд юу тусгах, уралдаант шалгаруулалтыг хэрхэн явуулах, маргаан гарвал яаж шийдвэрлэх зэргийг зохицуулах зайлшгүй шаардлагатай байгаа аж. Гишүүдийн зүгээс нэлээд санал шүүмжлэл хэлсэн ч уг хуулийн төслийг хэлэлцэх нь зүйтэй гэж үзлээ.
Монцамэ