Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
Орон сууц барихад зориулж нэг тэрбум төгрөг суулгалаа
Гаалийн ерөнхий газрын дарга Д.Цэвээнжав, дэд дарга Д.Оюунчимэг, төрийн захиргаа хамтын ажиллагааны газрын дарга Л.Дэлгэрбаяр тэргүүтэй удирдлагууд энэ сарын 19-ны өдөр хэвлэл мэдээллийн байгууллагын сэтгүүлч, сурвалжлагч нартай "зангиагүй" уулзалт зохион байгуулав. ГЕГ нь энэ онд Дэлхийн болон Холландын гаалийн байгууллагатай хамтран ажиллаж "Гааль бизнесийн түншлэлийн жил"-ийн ажлаа амжилттай хэрэгжүүлсэн байна. Ирэх 2010 оныг тус байгууллага "Оюунлаг, ил тод нээлттэй ажиллах жил" болгон зарлажээ.
Гаалийн байгууллагын хувьд ногоон эдийн засаг, ногоон гаалийг нэвтрүүлэх, цаасгүй гаалийн бүртгэлд шилжих, хэд хэдэн боомтыг 24 цагийн үйлчилгээнд шилжүүлэх, зарим томоохон боомтоо ерөнхий төлөвлөгөөний дагуу тохижуулан хөгжүүлэх гэхчилэн олон чухал зорилтыг дэвшүүлэн ажиллах юм. Түүнчлэн гаалийн ажилтнуудын ёс зүйг дээшлүүлэх, ур чадварыг нэмэгдүүлэхийн дээр тэдний ахуй хангамж, амьдрах орчныг сайжруулах тал дээр анхаарал тавих аж. Энэ ажлын хүрээнд хил дээр ажиллаж буй гаальчдад зориулсан орон сууц барихад зориулж нэг тэрбум төгрөгийг улсын төсөвт суулгасан байна. Энэ нь 1250 ажилтантай гаалийн байгууллагын хувьд хүрэлцээтэй хөрөнгө биш боловч нэг том алхам, дэвшил юм гэдгийг ГЕГ-ын дарга онцолж байлаа. Өнөөдөр тус байгууллага гаалийн 993 байцаагчтай ажиллаж байна.
Монцамэ