Эмульсэн /цийдмэг/ будлага хийх арга ажиллагаа

 

Цийдмэг будаг нь барилга байгууламжийн гадна ба дотор гадаргууг будах зориулалттай байдаг. Цийдмэг будгийг 3м2*моль/см3-аас илүүгүй хатуулгатай усаар шингэлнэ. Цийдмэг будгийг шингэлэх ус нь будгийн жингийн 5-10%-аас хэтрэхгүй байна. Цийдмэг будгаар барилгын дотор талын бетон, шавардсан гадаргуу , мөн дэвсгэр тавьсан төмөр гадаргуу болон лакан, тосон, цийдмэг будгаар будагдсан хуучин гадаргууг будна. Тусгай зориулалтын ханын цаасыг мөн цийдмэг будгаар будаж засварладаг. Барилгын дотор талын засал чимэглэлд зориулсан цийдмэг будаг нь стандарт /MNS 4582-98/-д заасан физик механикийн үзүүлэлт шаардлагыг хангасан байна. Цийдмэг будгийг багс, өнхрүүлэг, шүршигч зэргээр будах ба ажиллах зарчим нь тос, усан будгийнхтай адил байна.

Таазыг будахдаа эхлээд багсны хөдөлгөөн нь гэрэлд эгц босоо, дараа нь цонхоор тусах гэрлийн чиглэлд тохирч байх ёстой. Нэгдүгээр үеийн будлага хийгээд хатсаны дараа хоёрдахь үеийг нимгэн үеэр будна. Ханыг будахдаа эхлээд хөндлөн, дараа нь босоо чиглэлд будах ба будсан дэвсгэр дээр багсаа дахин гүйлгэж будна. Гадаргууг дэвсгэр үеэс гадна дахин хоёр үеэр ихэвчлэн буддаг. Эхний үеийн будлага хатсаны дараа хоёрдугаар үеийн будлага хийнэ. Хоёрдугаар үеийн будлагыг найруулахдаа эхний үеийнхээс арай өтгөн найруулна. Хоёрдугаар үеийн будлагыг шүршигчээр буюу өнхрөгчөөр жигдхэн будах нь зохимжтой.

Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.