Хөнгөн металл хийц бүтээцээр хурдан хугацаанд барилга, байгууламж барих технологи

Хөнгөн металл хийц бүтээцээр хурдан хугацаанд барилга, байгууламж барих технологи 

Сүүлийн үед хөнгөн металл хийц бүтээцээр хурдан хугацаанд барилга, байгууламж барих технологийг дэлхий дахинд өргөнөөр хэрэглэж байна. Энэ нь нэгдүгээрт дулаан дамжуулалт багатай хийц бүтээцээр барихад хананд чийг үүсэх, цан цохих  үзэгдлийг шийдвэрлэж чаддаг. Тусгайлан боловсруулсан термопрофиль гэж нэрлэгддэг хөндлөн огтлол хамгийн бага, дулаан дамжуулалтыг багасгах зорилгоор сөөлжүүлж нэвт цоолсон нүхтэй ган хийц бүтээцийг ашигладаг. Уг хийц бүтээцийн төрлөөс хамааран дулаан дамжуулалтыг 8/0-90%, ачаа үйлчлэлийг 10% бууруулдаг болох нь тогтоогджээ. Үүний үр дүнд модон хийц бүтээцтэй ижил түвшний дулаан хадгалах шинж чанарыг бий болгодог.
Хурдан хугацаанд барилга байгууламжийг барихад термопрофилиэс гадна төмөр тор, металл шувуу нуруу болон татангиуд зэрэг дуу чимээ, доргион нэвтрүүлэлтийг багасгах дотор ханын профилийн аргыг өргөнөөр хэрэглэж байна. Бүх ган хийц бүтээц, элементүүдийг зэврэлтээс сэргийлэх зорилгоор цайраар бүрсэн байдаг. Хурдан хугацаанд барих уг системийн ханын хийц бүтээц нь ган хэвлэмэл профиль буюу термопрофиль, дотор талаас нь бүрэх гипс-картонон хавтгаалжууд, уур тусгаарлагч давхарга, ихэнхи тохиолдолд каркас хоорондын зайг чигжсэн эрдэс хөвөнгөөр хийгдсэн дулаан тусгаарлагч давхарга, хамгаалалт болон заслын зориулалттай бусад хийц бүтээцүүдээс бүрдэнэ.
Профилийн өргөн нь БНбД-ийн шаардлага хангасан дулаалгын материалын зузаанаас хамаардаг. Хурдан баригдах барилга байгууламжийн дотор өрлөгт гипсэн болон хөвөн картонон хавтгаалжуудыг ашигладаг. Салхинаас хамгаалах зорилгоор гипс-картонон, модон, хөвөн плита болон бусад салхинаас хамгаалах материалыг хэрэглэнэ. Гадна заслын давхаргад нь өнгөлгөөний материал, тоосго, мод, винил болон металл сайдинг, чулуу, тоосгон хиймэл хатгаалж, полимер бүрхүүлтэй хавтгаалж, өнгөлгөөний бэлэн хийц зэргийг “амьсгалдаг өнгөлгөө” зарчмын дагуу хэрэглэдэг. Өндөр чанарын дулаалагч, агаар солилцоо, салхины хамгаалалтын ачаар энэхүү хийц бүтээц нь чийгшилтийн зохистой түвшинг хангаж чаддаг.
Онолын хувьд боломжтой энэхүү түвшинг практик дээр хангахын тулд дулаалагчийг өрж байх явцад жишээ нь тусгаарлагч плитаны хооронд, эсвэл тусгаарлагч болон плита хооронд гм аливаа хөндий, зай завсар гаргаж болохгүй. Салхинаас хамгаалах плита нь зай завсаргүй үргэлжлэн хамгийн бага залгаас о
рохоор тавигдсан байх шаардлагатай.
Агаар нэвчих чадварыг уур тусгаарлагч пленкийг гипсэн картонон хавтгаалж дор уур тусгаарлалтыг бий болгох   зааварчлагыг   баримтлан тавьснаар бий болгоно. Мөн бусад энэ чиглэлийн   арга   хэмжээг   ч   авч хэрэгжүүлнэ. Судалгаанаас харахад, ханын дотор гадаргуугын температур нь профиль дээр ханын нөгөө талд болон уур тусгаарлагч пленк дээр конденсат үүсэхээс сэргийлэн өндөр байдаг байна.

Ханыг элемент тус бүрээр суурь дээр шууд угсарч болохоос гадна барилгын талбай, эсвэл үйлдвэрт боловсруулан бэлэн болсон хагас бэлэн хавтгаалжуудыг шаардагдах ажилбарыг хийсний дараа угсарна. Мөн угсралтад шаардагдах хэмжээгээр зүсч бэлдэх ажил үйлдвэр дээр хийгдэх тул ажилчид хийцийг газар дээр нь шахалт хийх хэрэггүй. Бэлэн хавтгаалж хөнгөн чанартай тул угсрахад хүнд даацын техник тоног төхөөрөмж барилгын талбай дээр ашиглах шаардлагагүй болдог ба угсралтын ажил нь ч хурдан хугацаанд хийгддэг.

Олон давхар барилгад уг технологийг ашиглаж болно. Энэ тохиолдолд термопрофиль хавтгаалжуудыг өрөөний хэмжээгээр бэлтгэх. ба термопрофиль өөрийн даацын элементийн үүргийг гүйцэтгэдэг. Хавтгаалжид ирж байгаа босоо өрөлтийн хөндлөн үйлчлэл хавтгаалжийн дээд болон доод чиглүүлэгч профильд шилжиж, бэхэлгээний элементээр дамжин давхар дундын хучилтад шилжинэ.

Энэхүү технологийн давуу тал нь:

  • Барилгын бүх элементүүд үйлдвэрээс бэлэн гарснаар барилга угсралтын хугацааг богиносгодог
  • Нийлүүлэлтийн иж бүрдэл ендөр
  • Хөнгөн жин нь суурийг гүн ухах  шаардлагагүй бөгөөд хийц бүтээцийг    өргөх    хүнд    машин механизм хэрэглэгдэггүй
  • Элемент тус бүрийн хөнгөн жин болон барилгын талбай дээр каркасын   тодорхой   хэмжээнээс хамааран бэлэн хийц бүтээцийг угсархад хялбар ба энэ нь өөреө өрөмддөг шрупээр бүх элементийг бэхэлдгээрээ хүүхдийн эвлүүлдэг тоглоомтой ижил юм
  • Ус хэрэглэдэггүй
  • Дотор  талбайн   зохион байгуулалтыг чөлеөтэй хийж болно
  • Гадна ханын дотор талыг цэвэрлэх боломжтой
  • Дулаан хадгалах өндөр чадвартай
  • Галд тэсвэртэй
  • Экологийн цэвэр бүтээгдэхүүн
  • Удаан настай/эдэлгээтэй
  • Фасадыг   төрел бүрийн хэлбэрээр засах боломжтой зэрэг юм.
Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.