Барилгын туслах ажилчин хүний хийж гүйцэтгэх ажил

Барилгын туслах ажилчин хүний хийж гүйцэтгэх ажил /2007-03-15/

                  Яагаад вэ? гэвэл барилгын гүйцэтгэх ажлыг богино хугацаанд чанартай, технологийн шаардлага хангасан түвшинд хийж гүйцэтгэхэд тэдний олж эзэмшсэн ажлын мэргэшил хэрэгтэй байдаг юм.
Барилга угсралтын ажлыг хийж гүйцэтгэх ажилчдыг мэргэжлийн ажилчид гэж тооцдог бөгөөд мэргэжлийн чадварыг нь зэргээр илэрхийлдэг.Мэргэшлийн зэрэг гэдэг нь тухайн ажлыг мэргэжлийн ямар түвшинд хэрхэн гүйцэтгэх чадвартайг ангилан харуулсан баталгаа юм.Барилгын ажилчдын зэрэг нь доороосоо дээш шатлан дамжих чанартай учир өндөр зэрэгтэй ажилчид нь мэргэжлийн дагуу доод зэргийн ажилчдын гүйцэтгэвэл зохих ажлуудыг хийж чадах ба мэддэг байна. Жишээлбэл 6-р зэргийн мужаан нь 1,2,3,4,5-р зэрэгтэй мужаануудын мэдлэг чадварыг бүрэн эзэмшсэн, ажлыг өндөр түвшинд гүйцэтгэж чаддаг байна гэсэн үг. Ажилчин бүр мэргэжлийн хүрээнд өөрийн мэргэшлийн тодорхойлолтод /мэргэжлийн лавлах гэж тогтоогдсон журам байдаг/ дурдагдсан ажлуудыг гүйцэтгэж чадахаас гадна өндөр мэргэжлийн ажилчдын удирдлаган доор болон хамтран ажиллаж чаддаг байх ёстой. Тухайлбал : 4-р зэргийн мужаан хүн 5-р зэргийн мужааны хамт цэвэр банзан шал шахах ажлыг хийхэд 5-р зэргийн мужааны удирдлаган дор ажиллана.

Ер нь барилга угсралтын ажил нь төрөл бүрийн мэргэжлийн ажилчдын хамтын хөдөлмөрийн хосолсон ажиллагаагаар бүтээн байгуулагддаг учир нэг нь нөгөөгийн өмнө ажил хийцлэлийн чанарын хариуцлага хүлээдэг онцлогтой. Монгол хүн сайхан дээл хийж өмсөхдөө "Эсгээч нь оёочдоо, оёоч нь өмсөөчдөө" гэдэг уран хэллэгээр сайны -ерөөл дэвшүүлдэг шиг уламжлал барилгад бий.

Мэргэжил дээшлүүлэх ба зэрэг ахиулах шалгалт өгөх ажилчин-барилгачин бүр ямар ажилбарыг хийж сурсан буюу эзэмшсэн мэргэжилдээ хэрхэн мэргэшсэнээ салбарын мэргэжлийн комисст шалгуулж, гүйцэтгэдэг ажлынхаа технологийн дараалал, ажил гүйцэтгэх болон хүлээн авах техникийн нөхцөл, хэрэглэгдэх материал, хийц хэсэг, бүтээгдэхүүний марк, нэр төрөл чанарыг мэддэг байхаас гадна материалын зарцуулалтын норм, галын аюулгүйн норм, хедөлмөр хамгааллын дүрмүүдийг мэддэг байх зайлшгүй шаардлагатай. Ингэж барилга барих бүрдээ мэргэшиж, өндөр зэрэг эзэмших эрх авснаар мэргэшсэн барилгачин болж улмаар мастер, даамал, инженер болох эхлэл тавигдана.

 

Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.