Угаалгын өрөө

        Ус бол усан махбодын гол тодорхойлогч юм. Тиймээс унтлагын өрөөнд хаалгатай угаалгын өрөө маш мууд тооцогддог. Угаалгын өрөөнд байх онгоц шүршүүр , жорлон зэрэг нь угаалгын өрөөг хаана байрлуулах тал дээр хүндрэл үүсгэдэг. Хамгийн тохиромжтой байрлал нь модон махбодын оршиж буй зүгүүд болно. 
        Нойлын ус нь үргэлж гоожиж дуугарч байх ёсгүй. Хэрвээ угаалгын өрөөтэйгээ хамт байдаг бол хаалганаасаа хол байвал зүгээр. Хамгийн тохирсон байрлал нь өрөөний зүүн зүүн урд хэсэгт ямар нэг толинд тусахааргүй болж өгвөл хана халхавчаар тусгаарлагдсан байвал зохино.


        Угаалгын өрөөний өнгө цагаан, саарал, цайвар шарын хослол байх нь тохиромжтой. Бvдэгхэн хэрнээ хэд хэдэн гэрэлүүд нь хvмvvсийн сэтгэл санааг тайван байлгаж, илvv дотно, дулаан уур амьсгал бий болгодог. Усны онгоцны эргэн тойрон тэр чигтээ шил толь байвал өөрийгөө бусдаас илvv гэж төсөөлөх дуртай хvмvvст бvр ч тохиромжтой. Илvv сонгодог гэсэн мэдрэмжийг төрvvлэхийн тулд ханандаа уран зураг өлгөж, онгоцныхоо дэргэд шив шинэхэн сарнай тавихаа мартуузай.


        Танай угаалгын өрөө томхон онгоц ч байрлуулж болохооргvй жижигхэн vv? Тэгвэл давчуухан өрөөтэй хvмvvст  талбайг дээд зэргээр ашигласан онгоц байрлуулах хэрэгтэй. Эсвэл босоо шүршүүр ч байрлуулж болно. Мэдээж шvршvvрийн кабин ч бас шилэн, угаалтуурыг зураг дээрх шиг шийдэлтэйгээр шvршvvрийнхээ хажууд байрлуулчихвал зvгээр. Гэхдээ бас л шилэн байхаар бодолцоорой. Таазаа цайвар улбар шараар будаж, хэдэн бvдэг гэрэл байрлуулчих. Шалаа хананы өнгөтэй ижилхэн шил эсвэл плитагаар гоёорой. Мартсанаас угаалтуурынхаа дээр шилэн хvрээтэй толь өлгөөрэй. Хамгийн гол нь өнгөний сонголт, донж нь таарч чадсан байх хэрэгтэй. Шал, онгоцыг бvрхсэн плита хананы өнгөтэй адилхан байх ёстой шvv. Гэхдээ элдвийн хээ хуар, зураггvй, зvгээр л цулгуй байх нь цэвэрхэн харагддаг.


        Угаалгын өрөөг та зөвхөн гар нүүрээ угаах өрөө гэж битгий үл тоомсорлоорой. Угаалгын өрөө ч бас тав тухтай, үзэмжтэй, өөрийн гэсэн өнгө аяс, дизайнтай байх нь чухал. Тэгвэл та гар нүүрээ угаах, усанд орохдоо ч сэтгэл хангалуун байж, энергээ нөхөж чадна гэдэгт итгээрэй.

Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.