Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
“Үйлдвэрлэлийн ослын улмаас бэртэж гэмтсэн болоод амь үрэгдсэн ажилчдын дурсгалыг хүндэтгэх өдөр”-4 сарын 28
Дэлхий дахинаа
“Үйлдвэрлэлийн ослын улмаас бэртэж гэмтсэн болон амь үрэгдсэн ажилчдын дурсгалыг хүндэтгэх өдөр” - 4 сарын 28-ны энэ өдрийн тухайд анх 1996 оны 4 сарын 28-ны өдөр Нью-Йорк хотноо хуралдсан НҮБ-ийн тогтвортой хөгжлийн хорооны хуралдааны үеэр үйлдвэрлэлийн ослын улмаас амь үрэгдсэн олон зуун хүмүүсийн дурсгалыг хүндэтгэн лаа асааж ёслол үйлдсэнээс хойш энэхүү арга хэмжээ нь жил бүр уламжлагдан зохиогдох болсон байна.
Олон улсын чөлөөт үйлдвэрчний эвлэлийн холбоо болон түүний гишүүн улс орнууд нь жил бүрийн энэ өдөр олон зуун лаа, хүж асааж үйлдвэрлэлийн ослын улмаас гэмтэж бэртсэн болон амь насаа алдсан ажилтнуудын дурсгалыг хүндэтгэж, тодорхой асуудлаар кампанит ажил зохион байгуулдаг. Тухайлбал, сүүлийн 5 жилийн байдлаар
2002 онд – Хөдөлмөрийн аюулгүй ажиллагаа, эрүүл ахуйн нөхцөлийг бүрдүүлснээр бүх нийтийн эрүүл мэндийг сайжруулна
2003 онд – Даяарчлагдсан ертөнцөд хөдөлмөрийн эрүүл, аюулгүй нөхцөл
2004, 2005 онуудад – “Бүгдэд эрүүл, аюулгүй ажил” болон “Ажил олгогчийн хариуцлага”
2006 онд – “Үйлдвэрчний эвлэлтэй ажлын байр - Аюулгүй ажлын байр”
2007 онд “Азбестосыг хориглоё” сэдвийн дор тэмдэглэж байна.
МҮЭ-үүдийн хэмжээнд “Иргэдэд ажиллаж, амьдрах аюулгүй орчин” сэдэвт кампанит ажил өрнөж байна.
МҮЭ-үүдийн холбооны хэмжээнд 4 сарын 28-ны өдрийг 1999 оноос эхлэн тэмдэглэж эхэлсэн.
МҮЭ-үүдийн холбооны хэмжээнд энэхүү кампанит ажлын хүрээнд дараахь ажлууд зохион байгуулагдах юм. Үүнд:
Үндэсний болон салбар, орон нутаг /аймаг, нийслэл, сум, дүүрэг/, үндсэн нэгжийн хэмжээнд засгийн газар, ажил олгогчидтой “Иргэдэд ажиллаж амьдрах аюулгүй орчин” сэдэвт хоёр ба гурван талт уулзалтыг зохион байгуулж, ажилчид болон тухайн орон нутгийн оршин суугчдын аюулгүй орчинд ажиллаж амьдрах эрхэд аюул учруулж байгаа болон учруулж болзошгүй ажлын байр, нөхцлийг харилцан тохиролцож тодорхойлох, уг ажлын байранд аюултай гэсэн тэмдэглэгээ тавих,
Ажилчдад болон иргэдэд аюул учруулж байгаа болон учруулж болзошгүй нэн тэргүүнд сайжруулах шаардлагатай ажлын байр, нөхцлийг /3-аас доошгүй/ сонгон авч, арга хэмжээ авч хэрэгжүүлэх хугацааг тохирох. Энэ арга хэмжээний дүнд МҮЭ-үүдийн хэмжээнд багаар тооцон үзэхэд 6549 асуудал шийдвэрлүүлэх боломжтой гэж үзэж байна.
Тохиролцсон хугацаанд асуудал шийдвэрлүүлээгүй тохиолдолд сануулах зогсолт хийх, жагсаал цуглаан, ажил хаялт зохион байгуулах зэргээр санал шаардлагаа дэмжин ажиллах
Хөдөлмөрийн нөхцөлд үзлэг шалгалт хийх, гишүүд, хөдөлмөрчдөд хөдөлмөрийн хууль тогтоомжийн талаар эрх зүйн зөвлөгөө өгөх зэрэг ажлууд багтаж байгаа болно.
Монголын үйлдвэрчний эвлэлүүдийн холбоо