Барилгын будаг бүсгүй хүний энгэсэг мэт нандин сонголт шаарддаг

Барилгын будаг бүсгүй хүний энгэсэг мэт нандин сонголт шаарддаг

Зах зээл хөгжлийг даган барилга барих явдал ихэссэнтэй уялдаж энэ салбарт шинэ технологи нэвтэрсээр байна. Ялангуяа барилгын гадна өнгө үзэмжийг сайжруулах талд томоохон дэвшил гарсан ч материалын чанар, сонголтын асуудал анхаарал татсан хэвээр. Манайхан барилгын гадна талыг шил,чулуу, хөөсөнцөр, аскор, плита, эмульс, будаг зэрэг олон төрлийн бүтээгдэхүүнээр өнгөлж байгаагийн дотроос нийтлэг хэрэглэдэг нь эмульс. Энэ удаа манай сайт эмульсийг хэрхэн зөв сонгох, хэрэглэх талаар зөвлөж байна.

Айлын өнгө үүднээсээ гэдэг. Таны барилгын гадна тал бусдын анхаарлыг татам өвөрмөц чамин өнгө дизаинтай, эсвэл эерэг зөөлөн энергитэй, нүдэнд дулаахан байж чадах эсэх нь таны сонголтоос шалтгаална. Мөн таны барилгын өнгөнөөс бизнесийн дүр төрхийг тань ч харж, төсөөлж болно. Тийм болохоор хамгийн гол нь та чанартай эмульс сонгоорой.

Гадна талын эмульс чанаргүйг сонгосноос барилгын өнгө гандах, борооны усанд урсах, хуурч унах зэрэг олон сөрөг муу талтай. Жил бүр барилгын гадна талыг дахин засахад цаг болон хөрөнгө их шаардагдана.

Манай зах зээл дээр Монгол, Хятад, Солонгос, Орос, Чех, Герман зэрэг олон оронд үйлдвэрлэгдсэн гадна талын эмульс зарагдаж байна. Гадна хананы эмульсыг сонгохдоо бүтээгдэхүүний зааварчилгаатай сайн танилцах хэрэгтэй. Үйлдвэрлэсэн болон хэрэглэх хугацаа,цаг агаарын ямар нөхцөлд хийх, өнгөний хувирал өгөх эсэхийг анхаарч үзээрэй. Мөн энэ төрлийн будаг, эмульсийг өмнө нь хэрэглэсэн байшин барилгын өнгө нь гандаж өөрчлөгдсөн эсэхийг ажиглаж үзэхэд гэмгүй.

Гадна заслын эмульс хийхдээ эхлээд гадаргууг маш сайн өнгөлж өө сэвийг дарж өгдөг. Дараа нь суурь болох грунт тавьж өгнө. Грунт нь эмульсний тогтцыг сайжруулахаас гадна өнгийг тодруулна. Мөн грунт тавьж өгснөөр эмульсийг улам их талбайд түрхэх боломжтой болно.Зарим төрлийн эмульс болон будгийн суурь нь шохойжилт болон хөгц үүсэхээс хамгаалдаг сайн талтай.

Урд хөршид үйлдвэрлэсэн зарим төрлийн эмульс өнгө нь амархан гандах, хуурч унах, ус бороонд урсах, савласан жиндээ хүрэхгүй байх зэрэг дутагдалтай талууд харагддаг. Грунтийг түрхсэнээс хойш цаг агаарын хэвийн нөхцөлд 2 цагийн дараа эмульсдвэл сайн. Эмульсийг хоёр үе хийх бөгөөд эхний будалт хийснээс хойш 3 цагийн дараа давхар будалт хийж болно. Эмульсийг орчны температур нэмэх 5 хэмээс дээш байгаа нөхцөлд хийдэг.

Кодоор өнгө гаргадаг эмульс нь өнгөний сонголт өргөн,эмульс дахин нэмж авахад өнгө өөрчлөгдөхгүй, зөрүү гарахгүй байх давуу талтай. Манай зах зээл дээр Хятад улсад үйлдвэрлэсэн эмульс 18 литрийн савтай нь 6500-12000 төгрөгийн үнэтэй байдаг. Үүгээр ойролцоогоор 35 амметр талбайг эмульсдэнэ. Герман эмульс 10 литр нь 23000 төгрөгийн үнэтэй байгаа бөгөөд ойролцоогоор 15 ам.метр талбай, Солонгос эмульс 18 литр нь 45800 төгрөгийн үнэтэй, 70-80 амметр талбайд ашиглагдана.

Солонгосын SAMHWA PAINTS IND CO.,LTD компаний Монгол дахь төлөөлөгчийн газар болох “Орд констракшн” компани барилгын гадна заслын эмульс болон будгийн 1500 өнгийг кодоор 3 минутийн дотор гаргаж байгаа нь манайд орж ирсэн хамгийн шинэлэг, найдвартай үйлчилгээний нэг болоод байна. Энэ үйлдвэрийн бүтээгдэхүүнд өнгөний өргөн сонголтоос гадна чанарын хувьд давуу тал их бий.

Хэрэглэгч та байшингийнхаа гадна өнгийг засах гэж байгаа бол emeeltsegiingol.com сайтаар дамжуулан барилгын засал чимэглэлийн “Эмээлцэгийн гол” компанид хандвал үнэгүй зөвлөгөө өгч байгааг сонордуулъя.

 

Хаяг: Монгол улс, Улаанбаатар хот, СБД Бага тойруу 10-р хороо Залуучууд зочид буудлын өргөтгөл Эмпати төвийн 4 давхар 404 тоот, ш/с-210349-831
Утас: 976-70114576, 99114576, 99044576, 99054576
Факс: 976-70114576
И-мэйл: e.emeeltsegiingol@yahoo.com
Вэбсайт: www.emeeltsegiingol.com

Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.